Feridos dous ciclistas en senllos atropelos na PO-308 en Portonovo e Poio
Por Redacción
Creada e actualizada
Creada e actualizada
Dúas persoas que circulaban en bicicleta pola estrada PO-308 resultaron feridas durante a mañá deste sábado ao ser atropelados por senllos vehículos.
O primeiro dos accidentes tivo lugar en Poio, ao redor das 11:00 horas da mañá.
Un particular chamou ao 112 Galicia a esa hora, trasladando a central de emerxencias a alerta ao 061, Protección Civil, Policía Local, Garda Civil de Tráfico e ao GES de Sanxenxo.
Só 10 minutos despois o 112 recibía outra chamada informando dun suceso de similares características na mesma estrada, pero nesta caso á altura de Portonovo.
A persoa que alertou da situación indicou que o deportista precisaba asistencia sanitaria tras ser alcanzado por un coche, polo que tamén se mobilizaron os diferentes servizos de atención ás emerxencias.
PEDALADAS PIDE UNHA ACTUACIÓN URXENTE NA PO-308
Tras ter coñecemento de ambos os dous accidentes, a Asociación Pedaladas expresou o seu pesar pola situación de inseguridade que os ciclistas viven neste viario e solicitou a intervención da Xunta de Galicia "antes de que se produza outro morto", sinalaron a través dun comunicado.
Pedaladas agarda que a administración autonómica "acometa de forma urxente" obras de acougado de tráfico na via, que melloren a seguridade de peóns e ciclistas. Ademais piden a Tráfico e ás policías locais de Poio e Sanxenxo que eliminen os "estacionamentos ilegais" nas súas beiravías.
Relacionadas:
-
O PSOE leva ao Parlamento a denuncia de inseguridade viaria na PO-308 e as demandas de Pedaladas
Por Redacción |
-
Dúas persoas trasladadas nun accidente no que se viron implicados seis coches en Poio
Por Redacción |
-
O Bloque demanda no Parlamento a mellora integral da estrada entre Pontevedra e O Grove
Por Oskar Viéitez |