O programa de radio "La Opinión", Premio Ondas 2016
Por Redacción
"Polos valores que encerra un programa con 40 anos, que desde os albores da democracia comezou o exercicio que aínda continúa de dar voz aos cidadáns e ser a canle dos seus anhelos e queixas", así xustifica o xurado a concesión dun Premio Ondas pola súa traxectoria ao programa de radio La Opinión.
Os compañeiros de Radio Pontevedra entenden que este galardón supón un recoñecemento á audiencia, "alicerce fundamental dun programa denuncia no que a voz a pon a rúa".
Creados en 1954, estes premios son outorgados anualmente por PRISA a través de Radio Barcelona da Cadena SER, coa fin de galardoar a calidade dos profesionais, empresas e traballos nacionais e internacionais máis sobresaíntes da radio, publicidade radiofónica, televisión e música.