O Porto de Marín presenta os seus servizos para froita e hortalizas na feira internacional Fruit Attraction
Por Redacción
A Autoridade Portuaria de Marín presenta desde este mércores ata o vindeiro venres a súa oferta de servizos para froitas e perecedoiros na Feira internacional Fruit Attraction que se desenvolve en Madrid.
Desde o porto marinense sinalan que as instalacións convertíronse no centro loxístico para os tráficos de froita no Arco Atlántico ofrecendo un servizo integrado con conexión marítima directa, almacenaxe, clasificación e distribución para toda a Península.
O Porto de Marín ofrece, segundo a Autoridade Portuaria, o mellor tempo de tránsito do sector contando con conexións regulares directas co continente americano que o converten en porto central de descarga para a recepción e distribución no Arco Atlántico. Conta ademais cunha liña feeder que conecta Marín con distintos puntos do mundo a través do porto de Alxeciras.
A terminal de froita dispón de seis peiraos de carga, oito cámaras, mil metros cadrados climatizados para clasificación e distribución e cinco mil metros cadrados de chaira, ademais de máis de 500 metros de atracada en dous peiraos.
Nesta feira, Marín se encuentra con 1.200 empresas expositoras pertencentes a 40 países coa presenza de 55.000 profesionais do sector procedentes dun centenar de Estados.