A Escola de Forestais investigará sobre o compost para converter os residuos nun recurso
Por Redacción
A Deputación de Pontevedra asinará nos próximos días un convenio coa Universidade de Vigo para que leve a cabo unha investigación a través da Escola de Enxeñería Forestal do campus local que permita desenvolver os usos e características dos distintos tipos de compost. Así o anunciaba este mércores o vicepresidente da Deputación Provincial, César Mosquera, que sinalou que este acordo aprobouse o venres durante a próxima Xunta de Goberno da institución provincial.
As profesoras de Forestais, Emma Fernández e Purificación Marcet serán as encargadas de poñer en marcha este proxecto para o que se contratará a outros dous doutores e implicarase aos estudantes a ravés dos traballos fin de grao e fin de máster. Destinaranse máis de 200.000 euros para un período de tres anos.
O obxectivo é que aquela compostaxe elaborada que non sexa de tipo A senón de categoría inferior teña saída nos montes, segundo sinalou o vicepresidente provincial, en noiros e noutros puntos con solo de baixa calidade.
Segundo indicou César Mosquera, as investigacións poderán realizarse nos terreos da planta da Canicouva, polo que o Concello de Pontevedra tamén entrará no acordo, onde haberá ao redor de 9 hectáreas de terreos con pendentes pronunciadas e con espazos de cantería abandonada nos que se comprobará o funcionamento desta materia biodegradable.
A profesora Emma Fernández sinalou que se tratarán espazos de vexetación con estes residuos acompañados de distintos condicionantes para eliminar aqueles elementos tóxicos e permitir así a restauración de solos degradados.
O vicepresidente da Deputación indicou tamén que espera que máis da metade do compost que se elabore sexa de tipo A, atendendo aos traballos que se están desenvolvendo inicialmente. Mosquera apuntou que se non se dá este resultado sería que "a xente non comprométese" co proxecto.
Relacionadas:
-
VÍDEO.- Monte Porreiro extrae o seu primeiro compost despois de tres meses de reciclaxe
Por Mónica Patxot & Anxo Lourido |
-
O compost de Pontevedra será clave para o "cambio de cultura" na xestión de residuos
Por Alejandro Espiño & Mónica Patxot |
-
Mosquera desvela que haberá novidades "moi pronto" coa planta de compost da Canicouva
Por Alejandro Espiño |
-
Persoal municipal e das contratas formaranse no manexo de composteiros
Por Redacción |
-
A Unión Europea interésase polo plan de compostaxe da Deputación
Por Redacción |
-
Un estudo analizará o impacto da planta de compostaxe da Canicouva
Por Redacción |
-
A Deputación destinará máis dun millón de euros á adquisición de novos composteiros
Por Redacción |
-
A Deputación completa a primeira fase do Plan Compost Revitaliza "con gran éxito"
Por Oskar Viéitez & Mónica Patxot |
-
Arranca a segunda fase do Plan Compost
Por Redacción |