Persoal municipal e das contratas formaranse no manexo de composteiros
Por Redacción
A Xunta de Goberno local deu luz verde a adhesión formal do Concello de Pontevedra ao Plan Composta Revitaliza da Deputación Provincial no que xa se está a traballar, pois a posta en marcha dun sistema alternativo de recollida e tratamento de lixo é un dos eixos de goberno para o mandato actual.
A instalación dos primeiros composteiros comunitarios no barrio de Monte Porreiro ao abeiro da colaboración coa Deputación é unha primeira actuación consolidada e agora darase un paso cara adiante coa formación, a través de cursos especiais e específicos, en manexo e coidado de composteiros comunitarios.
A concelleira Anabel Gulías, en calidade de portavoz do goberno local, explicou que en breve comezarán estes cursos de formación dirixidos a persoal do Concello e a traballadores das contratas municipais.
Os cursos terán carácter práctico polo que, cada un deles, terá dez-doce alumnos- impartiranse no lugar de Cabaleiro, na parroquia de Campañó onde está previsto instalar un composteiro comunitario ao abeiro do Plan Revitaliza, como os primeiros de Monte Porreiro.
O Concello de Pontevedra ten no horizonte próximo a instalación de composteiros comunitarios en todo o barrio de Monte Porreiro, onde comezou a recollida e tratamento alternativo de lixo de xeito experimental, e no barrio de Campolongo, unha demanda da propia veciñanza.
Está en marcha o proceso administrativo para a adquisición dos composteiros precisos. A estimación feita é de 204 módulos repartidos en 33 puntos en Monte Porreiro e 105 módulos en Campolongo.
Relacionadas:
-
Campolongo terá dous composteiros: un ao carón da igrexa e outro en Iglesias Vilarelle
Por Redacción |
-
O primeiro compost elaborado en Monte Porreiro, listo a próxima semana
Por Alejandro Espiño |
-
O 19 de decembro remata o prazo para que os concellos se adhiran ao plan de compostaxe
Por Redacción |
-
Príncipe Felipe quere converterse nunha "illa ecobiolóxica de residuo cero"
Por Redacción |
-
A Unión Europea interésase polo plan de compostaxe da Deputación
Por Redacción |
-
A Escola de Forestais investigará sobre o compost para converter os residuos nun recurso
Por Redacción |
-
Os veciños de Portonovo súmanse á moda dos composteiros
Por Redacción |
-
A Deputación destinará máis dun millón de euros á adquisición de novos composteiros
Por Redacción |
-
O compost de Monte Porreiro usarase na horta ecolóxica do barrio cuxa colleita será para o Banco de Alimentos
Por Oskar Viéitez |