Cun título de graduado nunha man e un contrato na outra
Por Oskar Viéitez
O conselleiro de Cultura, Educación e Ordenación Universitaria en funcións, Román Rodríguez, participou este venres na graduación do alumnado da promoción de formación profesional dual do CIFP Carlos Oroza. No acto participaron tamén o director xeral de Educación, FP e Innovación educativa, Manuel Corredoira, o director do centro, Manuel Hermo; entre outras autoridades, así como alumnos e docentes do CIFP.
Un total de 27 alumnos recibiron este venres os seus diplomas, tras cursar estudos nos ciclos superiores de Dirección de servizos de restauración, Dirección de cociña e Xestión de aloxamentos turísticos. Dado o éxito destes programas, ofertáronse novas prazas tanto o curso pasado como o actual.
De feito, o grao de competencias adquirido por estes titulados foi destacado pola colaboradora no desenvolvemento dos tres ciclos formativos, Arlea Hotels que ofreceu traballo a todos os titulados, sendo 21 os que aceptaron esta proposta e pasan a ser traballadores desta empresa.
Durante a súa intervención o conselleiro de Cultura, Educación en funcións salientou que este acto de graduación fai visible os resultados do convenio de colaboración asinado fai dous anos e que permitiu a posta en marcha por primeira vez de tres proxectos de xeito simultáneo (Dirección de servizos de restauración, Dirección de cociña e Xestión de aloxamentos turísticos).
Relacionadas:
-
Estudantes do Carlos Oroza participan, por terceiro ano, nos Premios Princesa de Asturias
Por Redacción |
-
Adxudican as obras para habilitar novos talleres no segundo edificio do Carlos Oroza
Por Redacción |
-
A Xunta anuncia a licitación da segunda fase de ampliación do Carlos Oroza
Por Redacción |
-
Para mañá como deberes: tedes que organizar unha Feira de Turismo
Por Oskar Viéitez |
-
Cociña europea con todo o sabor das Rías Baixas
Por Alejandro Espiño |