Ciencias da Educación e do Deporte acolle en outubro un curso de lingua de signos
Por Oskar Viéitez
Sensibilizar a estudantes e profesionais do ensino dunha "discapacidade invisible" como é a auditiva e inicialos na lingua de signos como unha ferramenta ao servizo da inclusión na escola son os dous obxectivos centrais do curso complementario en inclusión educativa da discapacidade auditiva, que tras celebrar as súas dúas primeiras edicións no campus de Ourense trasládase en outubro á Facultade de Ciencias da Educación e do Deporte.
Aberto a un máximo de 45 participantes, este curso de 30 horas está especialmente dirixido a mestres e futuros mestres.
O curso se impartirá no campus entre o 10 e o 25 de outubro.
Aprender a saudar, a presentarse, a describir unha persoa ou a contorna que nos rodea empregando a lingua de signos española, constitúen a base do programa deste curso de nivel básico.
É unha actividade aberta a calquera persoa interesada. Os interesados pódense inscribir na plataforma Bubela. O seu período de inscrición é ata o 6 de outubro ou ata completar a cota máxima de 45 participantes.
Relacionadas:
-
A perda auditiva, unha "discapacidade invisible" que afecta a unha persoa por fogar
Por Mónica Patxot & Natalia Puga |
-
VÍDEO.- O himno galego en lingua de signos para conmemorar o Día da Patria Galega
Por Redacción |
-
Trasladar a lingua de signos á sociedade, obxectivo da Asociación de Xordos 'Río Lérez'
Por Cristina Saiz & Anxo Lourido |