As eleccións do 26-X chegan con cambios en varios colexios electorais
Por Redacción
As eleccións xerais do 26 de xuño virán acompañadas de pequenas variacións nos colexios electorais do Concello de Pontevedra. Todas elas adóptase para cumprir coa normativa de accesibilidade, segundo sinalan desde o goberno municipal, así como para prestar máis servizos.
O número de urnas electorais mantéñense en 106 xa que algúns casos redúcense a unha e noutros casos amplíanse a dúas, como pode ser en Alba.
Así, en Alba ata o de agora o colexio electoral era no Teleclub de Alba que tiña importantes deficiencias de accesibilidade e, incluso, de servizos, polo que se propón crear dous colexios electorais: un no Centro Social da Devesa para os lugares de O Bispo, A Devesa, Lampreeira e San Caetano; e outro no Centro Cultural de Reiriz, para os lugares de Guxilde, Pontecabras, Rairiz e Touceda.
Ademais, créanse estes dous colexios electorais dado que a parroquia de Alba ten dous núcleos ben diferenciados (un cara a estrada de Vilagarcía e outro cara a estrada de Santiago) que están bastante distantes uns dos outros.
En Cerponzóns, o colexio electoral estaba na Casa Reitoral e pasa ao Centro Social de Meán; mentres que en Salcedo había dous colexios electorais nos respectivos colexios de Igrexa e Cabanas, que se fusionan nun só, que estará situado na Casa Verde (o novo local social) xa que é un centro novo, accesible en todos os seus servizos.
Na cidade, os electores das seccións 008 e 016 do distrito 02 tiñan os colexios electorais na Residencia de Estudantes de Caixanova e tamén na delegación de Sanidade da avenida de Vigo e agora o novo colexio electoral está no IES Frei Martín Sarmiento; mentres que os da sección 004, que votaban no colexio de Barcelos, pasarán ao Arquivo Provincial.