Lombos para mellorar a seguridade viaria da rúa Jaime Janer
Por Diego Espiño
A Xunta de Galicia, titular da estrada PO-313 que une Marín e Moaña, publica este venres no Diario Oficial de Galicia (DOG) a licitación das obras de mellora no tramo urbano marinense desta estrada, a rúa Jaime Janer.
Segundo explicou a conselleira de Infraestruturas, Ethel Vázquez, a previsión é "comezar as obras en verán e se a climatoloxía acompaña pois rematar este mesmo ano". Centraranse en realizar un asfaltado completo da capa de rodaxe, a reforma da iluminación e a instalación de medidas para mellorar a seguridade viaria.
Estas medidas son concretamente lombos, que se colocarán en varios puntos do primeiro quilómetro do viario, ata o cruzamento coa estrada de Figueirido.
"Lo habíamos pedido por temas de seguridad vial", recoñeceu a alcaldesa, María Ramallo, "sobre todo porque es una carretera que con la próxima apertura del centro de salud va a tener una circulación urbana importante", explicou.
O orzamento total da obra ascende a 167.668 euros para actuar nos primeiros 1.200 metros da estrada.