Carmela, Josefa, Susa e María del Carmen, protagonistas do 8 de marzo 2016 en Poio
Por Redacción
Poio repetirá este 2016 a campaña 'De muller a muller', inaugurada o ano pasado con motivo do 8 de marzo, o Día Internacional da Muller para poñer en valor o traballo das veciñas do concello. Nesta ocasión, as homenaxeadas serán catro, Carmela Torres Castiñeira, Josefa Moreira Torres, María del Carmen Costado Castro e Susa Rial Buceta, seleccionadas no Consello Municipal da Muller pola súa traxectoria en diversos campos.
Carmela Torres Castiñeira é homenaxeada como muller promotora do mundo do deporte e do movemento social do Concello de Poio; Josefa Moreira Torres e María del Carmen Costado Castro foron as primeiras mariscadoras que formaron parte dun órgano de goberno na Confraría de San Telmo (no 1986); e Susa Rial Buceta destaca como incansable e recoñecida hostaleira fundadora dá Casa Susa.
A Concellería de Igualdade e o Centro de Información á Muller (CIM) de Poio presentaron este martes a campaña, que comezará o propio 8 de marzo, cun parón ás 12.00 horas diante da Casa Rosada coa lectura dun manifesto sobre a base da moción consensuada polos tres partidos políticos do Concello.
O venres 11 de marzo, ás 20.15 horas realizarase no Casal de Ferreirós o acto de homenaxe propiamente dito ás catro mulleres de 'De muller a muller'. O sábado 12 de marzo, ás 12.00 horas, no parque do Costa Xiraldez en Lourido, cada unha das homenaxeadas prantará unha árbore e descubrirá unha pedra co seu nome e o nome da árbore como continuación ao Bosque das Mulleres creado o ano pasado.
Relacionadas:
-
Cine e fotografía para conmemorar o Día Internacional da Muller en Vilagarcía
Por Redacción |
-
Aurora Marco: "As mulleres conseguiron chegar a ámbitos onde os homes non querían que chegasen"
Por Elena Álvarez Quintá |
-
En busca de iniciativas para conciliar a vida familiar e laboral
-
Bueu homenaxeará ás costureiras do municipio con motivo do 8 de marzo
Por Redacción |
-
Poio recoñece o traballo das súas mulleres
Por Redacción |
-
Poio homenaxeará cinco mulleres pioneiras con motivo do 8 de marzo, Día Internacional da Muller
Por Redacción |