Carmela Silva non quere disculpas polos insultos porque "non son suficientes" cando se "agrede" a mulleres
Por Marisa Ciordia
Foi no contexto da inauguración dunha exposición sobre violencia machista onde a presidenta da Deputación, Carmela Silva, expresou a súa opinión sobre a dimisión do concelleiro do PP en Moraña, Jorge Caldas.
Este cualificábaa de "mala zorra y sinvergüenza" na súa conta persoal de Facebook. A mandataria socialista vinculou precisamente ese feito reflectido nas redes sociais como un exemplo máis de "agresión verbal a unha muller". Afirmou que a dimisión era obrigada e que "non había outra posibilidade" porque viña dun cargo institucional "que ten a obrigación de defender ás mulleres e de ser exemplo de loita pola igualdade".
Pero Carmela Silva asegurou que "non quero desculpas nin as admito" e desvelou que ninguén do PP chamouna para mostrarlle o seu apoio. A pesar diso, insiste en que "non quero desculpas nin chamadas, só quero que o PP tome decisións para acabar con estes comportamentos".
Lonxe de estimar suficiente a dimisión do concelleiro e tenente de alcalde en Moraña, Carmela Silva demandaba máis responsabilidades: "a violencia de xénero ten que ter un custo grave e a dimisión era a única posibilidade; pero non é suficiente", engadiu, reclamando que o autor destes insultos "gravísimos contra unha muller", ten que ser expulsado do PP.
"E a alcaldesa, Luisa Piñeiro, co seu silencio e o seu "me gusta" ás barbaridades que se escribiron en Facebook fíxose cómplice e ten que adquirir responsabilidades. Non pode quedar na sombra, é moi grave", engadiu Silva.
De igual maneira, referíase a manifestacións do presidente do PPdG e de mulleres dirixentes deste partido que reclamaran desculpas. Unha fórmula que considera insuficiente, xa que como explicaba é o proceder dos maltratadores e "forma parte do círculo do terror". Así apelou ao PP para que: "se sume á decencia da sociedade que reclama unha loita de verdade contra a violencia de xénero", afirmando estar "harta" da reiteración deste tipo de insultos.
Carmela Silva deixou nun segundo plano a posibilidade de trasladar a título persoal este caso á Fiscalía, tal e como sinalaba o secretario provincial dos socialistas, Santos Héctor, que faría a súa formación política.
Relacionadas:
-
Carmela Silva, satisfeita pola reapertura do caso dos insultos machistas realizados contra ela
Por Redacción |
-
A presidenta da Deputación lamenta que "haxa mulleres que non se somen á loita pola igualdade"
Por Oskar Viéitez |
-
Unha xuíza de violencia de xénero ampara na liberdade de expresión chamar "mala zorra" á presidenta da Deputación
Por Oskar Viéitez |
-
Concentración polos tres últimos crimes machistas
Por Diego Torrado & Oskar Viéitez |
-
Dimite o edil do PP que chamou "mala zorra" á presidenta da Deputación
Por Redacción |
-
Os socialistas denuncian ante Fiscalía ao edil do PP que chamou "mala zorra" a Carmela Silva
Por Oskar Viéitez |