Setga completará o cambio a LED nos puntos de luz dos accesos á cidade
Por Alejandro Espiño
Un total de 220.000 euros investirá o Concello de Pontevedra para completar o proxecto de mellora da eficiencia enerxética nos viarios de acceso á cidade. Tras unha primeira fase na que se substituíron as lámpadas de sodio por LED nas principais entradas e saídas ao centro urbano, farase o propio noutras sete estradas.
En total, cambiarase a iluminación en 492 puntos de luz, que pasarán a contar con lámpadas de baixo consumo.
Espérase que supoña un aforro de case 40.000 euros ao ano. Na actualidade, a luz en todas esas vías custa 54.555 euros anuais e cos novos farois pasará a custar 16.637 euros cada doce meses.
Este contrato, que saíu a concurso público nas últimas semanas, foi adxudicado á empresa Setga. Os novos puntos de luz terán unha garantía de dez anos e a compañía realizará o seu mantemento sen custo algún durante sete anos.
Segundo explicou o portavoz do goberno municipal, Raimundo González, actuarase na estrada que une a N-550 e a PO-531 en Alba, no viario entre Campañó e A Caeira, na estrada de Pontevedra a Figueirido ata o final de Tomeza, entre Pedra do Lagarto e Marcón, na estrada que vai ata o polígono do Campiño polo interior de Marcón, nos accesos á Brilat ou na conexión da Chamusca con Salcedo.
Relacionadas:
-
Nova iluminación led para as estradas de Santo André de Xeve, Estribela e Montecelo
Por Redacción |
-
Pontevedra reduce a factura da luz no 2014 en case un 20%
Por Alejandro Espiño |
-
Setga deseña un sistema para avaliar en tempo real os consumos eléctricos dunha cidade
Por Oskar Viéitez |
-
Monte Porreiro contará con nova iluminación pública de lámparas led
Por Redacción |
-
Pontevedra aforrará 100.000 euros ao ano na iluminación das vías de entrada á cidade
Por Redacción |