Marín volve celebrar o 'Festival del Kilo' para axudar ao comedor de persoas sen recursos
Por Redacción
O próximo venres día 7, a partir das 21.00 horas, desenvolverase na alameda de Marín a vixésimo novena edición da cita solidaria do 'Festival del Kilo' cun multiespectáculo que contará coa participación de artistas que colaboran de forma gratuíta.
Neste evento colaboran as canteiras Chaneiras, Manuel Somoza, os violíns de Tati e Lía, Lembranzas, Ducho e a súa harmónica; Sara e Sofía, Andrés Acosta; a Coral do Centro Social; o trompetista José María Pérez; Miguel; Os de Marín; Toño e Ruada completará a lista de participantes pechando a festa.
Os asistentes só terán que entregar na entrada un quilo de alimentos para o comedor social.