Abren na ría de Pontevedra os dous primeiros polígonos bateeiros dende abril
Por Redacción
O sector mexilloeiro asiste con esperanza á apertura de dous polígonos bateeiros na ría de Pontevedra. Son os dous primeiros en abrirse dende que o pasado mes de abril a presenza de toxina prohibise a extracción deste molusco.
O Instituto Tecnolóxico para o Control do Medio Mariño (Intecmar) autorizou a apertura doutros dous novos polígonos na ría de Arousa.
Estas aperturas súmanse á vintena de polígonos bateeiros que estaban dispoñibles, 17 deles na ría de Arousa e tres na de Vigo.
Segue sendo menos da metade xa que aínda hai trinta polígonos pechados, a maioría en Pontevedra.