Ence primará a compra de madeira en couto redondo
Por Redacción
As novas tarifas para a compra de madeira ofrecidas por Ence aos madeireiros galegos dende este mércores, 1 de xullo primarán o couto redondo, isto é, aqueles conxuntos de terreos rurais unidos ou próximos que pertencen a un mesmo interlocutor, de xeito que os produtores comparten determinadas tarefas e venden a súa madeira ao mesmo tempo, ainda que manteñen a propiedade dos seus terreos.
A fórmula é sinxela: a máis madeira, maiores primas.
Deste xeito, a empresa pasteira prentende "estimular o traballo conxunto dos produtores de eucalipto que teñen parcelas colindantes".
De aí que a empresa ofreza unha prima de ata 4,50 euros por tonelada de madeira comprada para aqueles propietarios que traballen baixo o esquema de couto rendondo, é dicir, a aqueles propietarios de terreos adxacentes que coordinen as tarefas e maila planificación do desenvolvemento dos seus cultivos, así como o aproveitamento e a venda da madeira.
Nun comunicado emitido polo Grupo Ence sinalan que o couto redondo é unha figura "fundamental para promover a competitividade do sector forestal de Galicia". Porque a atomización da propiedade da terra "xera importantes ineficiencias para o sector forestal fronte ao doutros territorios".