Os cooperativistas de Valdecorvos inician unha recollida de sinaturas en Change para recuperar os seus cartos
Por Redacción
Os cooperativistas de Valdecorvos decidiron iniciar unha campaña a través da plataforma Change para recoller sinaturas que lles axuden a reclamar a devolución do diñeiro que investiron para obter unha vivenda protexida nesta zona de Pontevedra.
En 2010, 14 familias intentaron obter a vivenda nos terreos propiedade da empresa pública Xestur. Non obstante, pasados os anos, non dispoñen nin dos seus aforros nin dunha vivenda en propiedade.
Segundo denuncian na plataforma de recollida de firmas nin a propia xestora da cooperativa, Gescomar Galicia nin Xestur Galicia deron resposta cando os afectados reclamaron o seu diñeiro e afirman que, dous anos despois de comprobar que era imposible realizar a obra, seguen sen non poder acceder á devolución de todos os aforros invertidos.
As familias indican que o que era garantía de solvencia ao estar amparado por unha empresa pública como Xestur, pola consellería de Economía e Facenda e pola Deputación provincial se converteu como un "complexo armazón burocrática con numerosas irregularidades en toda a xestión do proxecto".
Os afectados interpuxeron unha demanda xudicial para reclamar a cantidade económica invertida.
Relacionadas:
-
Os cooperativistas de Valdecorvos agardan unha solución de Xestur para recuperar máis de 300.000 euros
Por Mónica Patxot & Anxo Lourido |
-
O xerente de Gescomar afirma que nun ano podería estar resolto o proxecto dos chalés de Valdecorvos
Por Redacción |
-
2.000 pasquíns para reclamar os cartos da cooperativa de Valdecorvos
Por Redacción |