Nodosa entrega a draga 'Omvac doce' na primeira botadura na ría de Pontevedra dende 2013
Por Redacción
O Porto de Marín vestiuse coas súas mellores galas este venres para asistir á botadura do 'Omvac Doce' nas instalacións de Nodosa.
O estaleiro marinense foi o encargado de desenvolver e construír integramente esta draga de succión con casco partido e 61 metros de eslora nun proxecto de "casi 7 millones de euros", segundo sinalou na botadura o presidente da Autoridade Portuaria, e no que traballaron preto de 150 empregados.
Trátase da primeira botadura na Ría de Pontevedra en case ano e medio, dende que en decembro de 2013 Nodosa entregara o 'Moustakbal 2', de bandeira marroquí.
Neste caso o proxecto é "100% galego", explicou o conselleiro de Industria, Francisco Conde, ao ser o armador a empresa ferrolá Canlemar.
Conde destacou a alta carga tecnolóxica do barco ao considerar que "non podemos competir en buques con moita carga de aceiro, a nosa competitividade pasa pola tecnoloxía" no que entende como "a única forma de que o naval galego manteña o seu nivel de internacionalización".
O 'Omvac doce' é a construción 279 de Nodosa na súa historia que chega nun momento no que a empresa cofía en seguir crecendo tras a adquisisión de Factoría Naval.
Relacionadas:
-
Nodosa desfarase a vindeira semana do megaveleiro repudiado Sea Cloud Hussar
Por Oskar Viéitez |
-
O Consello do Porto aproba o cambio da concesión administrativa de Factoría Naval a favor de Nodosa
Por Redacción |
-
María Ramallo aplaude a compra de Factoría Naval por parte de Nodosa
Por Oskar Viéitez |
-
Nodosa, a un paso de mercar Factoría Naval de Marín ao ofertar 4,7 millóns de euros
Por Redacción |
-
Nodosa entrega a draga de maior envergadura das feitas en España e asegúrase un novo encargo
Por Diego Espiño & Mónica Patxot |