O Consello do Porto aproba o cambio da concesión administrativa de Factoría Naval a favor de Nodosa
Por Redacción
O Consello de Administración do Porto de Marín celebrado este xoves aprobou autorizar a transmisión da concesión administrativa outorgada a Factoría Naval de Marín S.A para a construción e reparación de buques a favor de Nodosa S.L., condicionada á resolución que se dite polo Xulgado do Mercantil e ao cumprimento dos requisitos establecidos na normativa portuaria.
A solicitude realizouna a sociedade KPMG Concursal, designada como administrador concursal do estaleiro FNM.
A venda da unidade produtiva de Factoría Naval a favor de Nodosa nesta fase do procedemento concursal permite continuar a actividade empresarial, asegurar o mantenimento dos postos de traballo e evitar a destrución de tecido empresarial.
ACORDO CON SASEMAR
O Consello acordou subscribir un contrato entre a Autoridade Portuaria e a Sociedade de Salvamento e Seguridade Marítima (SASEMAR) para a prestación do servizo xeral de ordenación, coordinación e control do tráfico marítimo así como a realización de labores de coordinación e actuación en emerxencia por contaminación mariñar accidental no Porto de Marín.
SASEMAR é unha entidade pública empresarial adscrita ao Ministerio de Fomento coa consideración de empresa asociada ás autoridades portuarias. Para a realización dalgunhas funcións encomendadas pola nova Lei de Navegación Marítima, o Organismo Público Portos do Estado e a Sociedade de Salvamento e Seguridade Marítima subscribiron un acordo marco de colaboración no que se fixan as condicións baixo as que esta entidade e as autoridades portuarias deben subscribir o correspondente contrato de servizos.
Relacionadas:
-
Nodosa desfarase a vindeira semana do megaveleiro repudiado Sea Cloud Hussar
Por Oskar Viéitez |
-
Nodosa entrega a draga 'Omvac doce' na primeira botadura na ría de Pontevedra dende 2013
Por Redacción |
-
O Porto de Marín alcanzou o mellor resultado en volume de mercadorías dos últimos catro anos
Por Redacción |
-
Nodosa, a un paso de mercar Factoría Naval de Marín ao ofertar 4,7 millóns de euros
Por Redacción |