Cotobade mellorará a estrada N-541 ao seu paso por Tenorio
Por Oskar Viéitez
O Concello de Cotobade, a través do Plan Provincial de Obras e Servizos 2015 da Deputación Provincial, vai a levar a cabo o proxecto de mellora da seguridade vial no tramo antigo da estrada N-541 ao seu paso por Tenorio, entre os núcleos de Río Tenorio e Cachadiñas (Covas).
O vial cedido ao Concello de Cotobade polo Ministerio de Fomento conta cunha lonxitude de 2.500 metros. As obras a realizar consisten na sinalización horizontal e vertical, e a colocación de 14 cubrecolectores de madeira para a protección dos colectores e a restauración dun muro caído.
Procederase á instalación de seis lombos nos pasos de peóns
Deste xeito, pintarase toda a travesía, incluíndo os pasos de peóns (lombos), entronques con outras vías, límites de velocidade, frechas, franxas de estacionamento, emprazamento de contedores, así como a instalación de sinais complementarias nos pasos elevados de peóns.
En canto á protección e seguridade procederase á instalación de seis lombos nos pasos de peóns cumprindo os criterios de accesibilidade e seguridade ademais da instalación de 380 metros de biondas de protección para evitar o risco de caida de vehículos.
O importe do proxecto ascende aos 74.176,82 euros.
Relacionadas:
-
Reparan dous lombos mal feitos na parroquia de Tenorio
Por Redacción |
-
O Concello de Cotobade conclúe a mellora da N-541 a su paso por Tenorio
Por Redacción |
-
Cotobade súmase á moda dos "lombos" para mellorar a seguridade viaria na N-541
Por Redacción |
-
Cotobade captou este ano inversións por máis de 1,8 millóns de euros
Por Redacción |
-
Acondicionan a estrada de Rebordelo en Cotobade
Por Redacción |