Sancionados "entre oito e dez" condutores ao día por aparcar os seus vehículos sobre as beirarrúas
Por Alejandro Espiño
A Policía Local de Pontevedra sancionou a "entre oito e dez" condutores ao día durante a primeira semana da campaña coa que se pretende erradicar o costume de aparcar os vehículos sobre as beirarrúas nas rúas da cidade. Os datos foron desvelados este luns polo voceiro do goberno municipal, Raimundo González.
En concreto, a metade dos infractores foron condutores de motocicletas e ciclomotores; mentres que as restantes multas se repartiron entre turismos, furgonetas de repartición ou mesmo camións.
Raimundo González reiterou que esta campaña non ten afán recadatorio, senón que o obxectivo que persegue é que os condutores se conciencien de que as beirarrúas "están para outras cousas" e que o número de sancións por esta cuestión "sexan cero".
O voceiro do goberno municipal mostrouse convencido de que "se vai a conseguir".