Escavadores pontevedreses malvenden a súa maquinaria polos impagos
Por Redacción
Empuxados pola difícil situación económica, empresarios pontevedreses integrados na Asociación de Escavadores de Galicia (AEXGA), participaron na maior poxa mundial de maquinaria que se celebrou onte en Madrid, organizada pola corporación canadiense Ritchie Bros.
Durante esta poxa, que congregou a centenares de persoas, malvenderon parte da súa frota de vehículos a un prezo un 75% inferior ao valor de mercado.
Neste tipo de poxas non hai prezos mínimos nin reservas, polo que cada artigo véndese ao mellor postor, independientemente do seu prezo. Iso provocou que un dos asociados de AEXGA se desprendera dunha das súas escavadoras, adquirida hai dous anos por 500.000 euros, por 100.000 euros, un importe moi inferior ao de compra e soamente un 10% máis á valoración precio-chatarra.
Os empresarios denuncian que as grandes compañías da construción pagan as súas facturas aos seus proveedores en periodos comprendidos entre os 200 e os 300 días e sen confirming, cando a Lei de Morosidad fixa en 75 días o prazo límite para o abono dos pagos. A esta realidade súmaselle o impedimento, por parte da banca, de descontar pagarés, xa que algunhas entidades non descontan papel das constructoras españolas.
O presidente de AEXGA, Manuel Espiño Mejuto, non entende a permisibidade das Autoridades ante o incumplimiento desta normativa, cando outras similares se penalizan duramente: "cando existe un atraso, aínda que soamente sexa dun día, no pago de seguros sociais ou do IVA, a Administración sancionan á empresa cun 20% de recargo; polo que é incomprensible que no caso de contratos entre compañías, cunha lei en vigor, non ocorra o mesmo, máis aínda cando o tempo de demora no abono dos traballos realizados triplica ou cuadriplica o máximo establecido legalmente".