O paro "equilibra" o mercado laboral do municipio
Por Oskar Viéitez
Lamentablemente o que non foron capaz de conseguir as distintas iniciativas para favorecer a igualdade entre xéneros logrouno o paro.
As cifras de desemprego equilibraron o mercado laboral pontevedrés, onde a día de hoxe a súa poboación ocupada se reparte entre 14.900 varóns e 14.700 mulleres.
Ademais a crise provocou que aumente a presenza de varóns no sector servizos no que, ata agora, máis do 65% dos seus empregados son mulleres.
Nos últimos tres anos Pontevedra reduciu un 8,7% a súa poboación ocupada, o que se traduce en 2.800 empregos, fundamentalmente de sectores como a construción e a industria. Sectores moi masculinizados que explica por que a ocupación dos varóns diminuíu un 13,4% mentres que a feminina, no mesmo período, caeu un 2,6%.
A poboación ocupada sitúase en 29.600 persoas.