Solicitude do PP para que se rehabilite a área recreativa da Rúa da Gándara
Por Redacción
Silvia Junco e Martín Martínez, concelleiros do Partido Popular de Pontevedra, achegáronse nas últimas horas pola nova zona verde da Xunqueira de Alba.
Durante a súa visita comprobaron que a estrada municipal está esnaquizada, con fochancas de gran tamaño e o pavimento levantado, as mesas e os bancos da área recreativa atópanse cubertos por maleza e unha das casetas de madeira, situada na Xunqueira de Alba leva sete meses calcinada, segundo indican.
Os representantes do PP reclaman ao Concello que interveña e que rehabilite de maneira "integral" a Rúa da Gándara, no tramo de estrada que une a pasarela de madeira do Espazo Natural de Intéres Local (ENIL) coa área recreativa da fonte do Parigón, unha fonte que tamén é coñecida popularmente como Fonte das Nuncias.
Silvia Junco demanda que se "dea continuidade" ao proxecto das marismas e da Rúa da Santiña. A intención dos populares é que mellore unha das zonas de paso "máis transitadas polos peregrinos que saen de Pontevedra cara a Santiago de Compostela polo Camiño Portugués".
Tamén expoñen que a limpeza, o mantemento e a iluminación son esenciais nas estradas municipais, principalmente en zonas que son utilizadas por "miles de peregrinos" a diario.
Relacionadas:
-
O Camiño de Santiago, con percorrido provisional en Pontevedra polas obras da Santiña
Por Natalia Puga & Mónica Patxot |
-
A Rúa da Santiña, en obras a partir do luns 29 de abril e durante un ano
Por Alejandro Espiño |
-
"Camiño despexado" para que a reforma da Rúa Santiña comece "en xaneiro ou febreiro"
Por Alejandro Espiño |
-
A contratación a reforma da rúa Santiña e a instalación de cámaras de tráfico e medidores ambientais
Por Oskar Viéitez |
-
Roza selectiva polo río Gándara para previr inundacións
Por Redacción |