Detida unha muller por furtar máis de 1.200 euros en perfumes
Por Oskar Viéitez
A Policía Nacional detivo unha muller tras cometer varios furtos nunha das perfumerías da zona comercial de Pontevedra.
Os axentes que se atopaban realizando labores de prevención de seguridade cidadá observaron a presenza de dúas mulleres unha delas manipulando de forma estraña unha bolsa en plena zona comercial.
Segundo informaron fontes oficiais da Comisaría Provincial de Pontevedra, estes axentes identificaron á muller que levaba unha bolsa habilitada para evitar que se activen os arcos de seguridade dos establecementos comerciais. Na bolsa portaba múltiples perfumes co sistema de alarma posto.
Os axentes comprobaron que portaba varios perfumes dun establecemento coñecido, valorados en máis de 1.200 euros. Por todo iso foi detida por un delito de furto.
Unha vez detida os axentes trasladárona a dependencias policiais. Foi posta ao dispor da Autoridade Xudicial.
Relacionadas:
-
Dous detidos, un deles menor, por vender droga nas inmediacións dun instituto de Pontevedra
Por Oskar Viéitez |
-
VÍDEO.- Circula en sentido contrario pola avenida de Marín en dirección a Pontevedra
Por Redacción |
-
Os bolardos de Peregrina seguirán durante "meses" porque, segundo Mosquera, están funcionando "moi ben"
Por Alejandro Espiño |
-
O Ministerio de Cultura licita o arranxo da cuberta do antigo edificio de Facenda
Por Oskar Viéitez |