O PSOE urxe a modificación da normativa para favorecer a actividade da hostalería do lecer nocturno no centro histórico
Por Oskar Viéitez
O grupo municipal do PSOE trasladou este martes á Comisión de Urbanismo do Concello de Pontevedra a "crecente preocupación existente polo incesante goteo de peche de locais hostaleiros na nosa cidade", en particular daqueles que se dedican ao lecer nocturno no centro histórico.
Os socialistas consideran que o goberno local debe adoptar con urxencia solucións, entre elas unha modificación do Plan Especial de Protección, Reforma Interior e Conservación Artística (Peprica) que foi aprobado hai dúas décadas e que se atopa obsoleto.
A concelleira do PSOE Yoya Blanco asegurou que "a situación resulta insostible" e por iso preguntaron ao BNG "se tamén está preocupado por este tema e se está a analizar a vía do Peprica para fomentar a hostalería".
Segundo informou Yoya Blanco "tras admitir cando menos que o Peprica está obsoleto, o propio concelleiro César Mosquera asegurou que, máis aló do lecer nocturno, non existe ningún tipo de problema na hostalería de Pontevedra".
Blanco criticou a "incomprensible falta de empatía" da Administración municipal por "ollar cara a outro lado, non facer absolutamente nada ao respecto e lavar as mans".
Relacionadas:
-
O lecer nocturno nega ter pedido "barra libre" de licenzas senón protexer as vixentes
Por Alejandro Espiño |
-
O centro histórico non volverá á "época negra dos 90", advirte o goberno municipal a PP e PSOE
Por Alejandro Espiño |
-
O goberno local confirma a veciños e comerciantes do centro histórico que non modificará o Peprica
Por Redacción |
-
Mosquera rexeita a posibilidade de converter o centro histórico nun "parque temático" do lecer nocturno
Por Oskar Viéitez |
-
"Non queremos unha guerra co lecer nocturno, pero defenderemos o dereito dos veciños ao descanso"
Por Alejandro Espiño |
-
Pepa Pardo reclama modificar o Peprica ante o "clamor" do lecer nocturno e a hostalería
Por Redacción |
-
BNG, PSOE e PP abren a porta a modificar o Peprica para regularizar o lecer nocturno pontevedrés
Por Manu Otero |
-
O lecer nocturno vese abocado á desaparición pola imposibilidade de adaptar os seus locais á normativa urbanística
Por Manu Otero |
-
Domínguez propón un estudo de modificación do Peprica e multas ás pintadas para reactivar o centro histórico
Por Diana Eiras & Anxo Lourido |