O servizo de Pneumoloxía da área sanitaria xa pode formar médicos internos residentes
Por Redacción
A área sanitaria de Pontevedra e Salnés suma xa trinta e unha acreditacións docentes para formar médicos internos residentes. Esta cifra acaba de incrementarse coa consecución da acreditación para unha unidade docente no Servizo de Pneumoloxía.
Dita formación estará supervisada polo doutor Enrique Temes Montes como xefe do Servizo e do doutor David Barros Casas, como coordinador da docencia.
Temes Montes apuntaba tras coñecerse esta nova acreditación, que é un recoñecemento merecido "por todo o Servizo en conxunto" e que "oferta boas alternativas aos futuros residentes", apuntando por exemplo que a Unidade de Asma ten acreditación de excelencia por parte da Sociedade Española de Pneumoloxía e Cirurxía Torácica e espérase conseguila tamén na Unidade de Broncoscopias.
O programa formativo - do que se poderá beneficiar unha praza en 2025 -, incluirá rotacións internas polas áreas de Pneumoloxía e por outras especialidades como Medicina Interna, Cardioloxía, Unidade de Coidados Intensivos e Coidados Respiratorios Intermedios.
Tamén en Atención Primaria e durante o segundo ano en Cirurxía Torácica do Complexo Hospitalario de Santiago.
Relacionadas:
-
Cifra para a esperanza: "No 99% dos asmáticos severos temos un fármaco biolóxico para controlalo moi ben"
Por Mónica Patxot & María José Pita |
-
Preto de mil pacientes son tratados por asma grave na área sanitaria de Pontevedra
Por Redacción |
-
A incorporación de doce ecógrafos portátiles para Atención Primaria mellorará a lista de agarda
Por Redacción |
-
O Hospital de Día de Montecelo funciona xa con horario ampliado polas tardes
Por Redacción |
-
15.000 pacientes sofren a enfermidade pulmonar obstrutiva crónica na área sanitaria
Por Redacción |
-
Pneumólogos que participan nun congreso médico visitan o proxecto pioneiro de reforestación levado a cabo en Borela
Por Oskar Viéitez |