A restauración pontevedresa é a segunda mellor valorada de toda España
Por Oskar Viéitez
O alcalde Miguel Anxo Fernández Lores felicitou á restauración pontevedresa por situarse no segundo lugar nunha clasificación de cidades cos restaurantes mellor valorados polos españois.
Segundo difundiu un portal especializado en márketing empresarial os restaurantes da Boa Vila, por segundo ano consecutivo, son os segundos mellor valorados nas 16,1 millóns de reseñas que os comensais deixaron en Google e de TripAdvisor a preto de 17.000 restaurantes de 52 cidades españolas.
"É un tema que non é baladí", destacou o alcalde que transmitiu, "os parabéns a toda a xente que traballa e que fai de Pontevedra a referencia".
A valoración media dos comensais á restauración nacional é de 4,24 puntos sobre un máximo de 5. No caso da cidade de Pontevedra, a nota sobe ata o 4,32 de entre un total 61.892 reseñas, tan só superada polo 4,34 concedida a Alacante (analizando 325.593 opinións) e por diante de Granada, que rexistra un 4,1 de media e 322.711 reseñas.
Relacionadas:
-
A provincia promociona en Fitur o té de camelia e a Ruta de Taverneiro
Por Oskar Viéitez |
-
A Illa de Tambo preséntase en Fitur como novo atractivo turístico de Poio
Por Redacción |
-
A auga das Rías Baixas inunda Fitur para "empapar" os futuros visitantes
Por Redacción |
-
"100% Rías Baixas" é o lema da campaña de promoción turística da Deputación coa auga como elemento vertebrador
Por Oskar Viéitez & Mónica Patxot |