Pontevedra suma novos sendeiros azuis
Por Oskar Viéitez
A Asociación de Educación Ambiental e do Consumidor (Adeac) concedeu o galardón Bandeira Sendeiro Azul - 2024 a novos espazos na comarca de Pontevedra, Salnes e O Morrazo .
Entre as novas propostas atópase a Vía Verde de Caldas a Vilagarcía, a Senda Mariñeira entre Vilaxoán e Carril, a Senda fluvial do río Pintillón (Sanxenxo), a Senda do Laño e a Ruta dos Muíños de Samieira (Poio), o Roteiro do Monte Penizas (Marín).
Ademais renovan os seus distintivos: os roteiros de Praias, Cinco Miradoiros, e Montes e Praias (Marín); os Sendeiros de Cabo Udra e Litoral de Bueu; o Sendeiro Azul del Río Verdugo (Ponte Caldelas); o Sendeiro Litoral e a Variante Espiritual do Camiño Portugués (Poio) e en Sanxenxo: o Roteiro dos Carballos de Aldariz e os Sendeiros litorais de Areas-punta Festiñanzo, Canelas-punta Cabicastro, Montalvo-Major, Paxariñas-Montalvo, Sanxenxo-Portonovo e Máxico da Lanzada.
Precisamente Sanxenxo ao sumar o roteiro fluvial do río Pintillón en Dorrón á súa listaxe de Sendeiros azuis e mantén o seu liderado en España.
O programa Sendeiros Azuis premia e recoñece a conservación e recuperación de Sendeiros e itinerarios, transformados en valiosos recursos para a interpretación e a educación ambiental, así como para o goce da natureza a través da realización de actividades recreativas, deportivas e turísticas sostibles.
Para obter o galardón Sendeiro Azul débense cumprir un conxunto de criterios e indicadores, que se agrupan en catro categorías: Características das sendas e trazados; información, señalética e infraestruturas nos Sendeiros; conservación e xestión do patrimonio natural e cultural; e uso público dos Sendeiros.
Os Xurado Sendeiros Azuis 2024 reuniuse o día 30 de novembro de 2023, composto por expertos procedentes de Asturias, Baleares, Canarias, Cataluña, Comunidade Valenciana, Estremadura, Galicia, Madrid, Murcia e País Vasco, representando a diversas universidades, administracións públicas relacionadas con Patrimonio Natural e Turismo, asociacións e entidades que traballan pola accesibilidade en espazos públicos, e empresas relacionadas coa saúde.
Relacionadas:
-
Os Sendeiros Azuis das Rías Baixas recollen as súas bandeiras
Por Redacción |
-
Domingo de paseo en Laño para poñer en valor os sendeiros azuis
Por Redacción |
-
En redacción o proxecto para a senda peonil na estrada do Pazo, en Ardán
Por Oskar Viéitez |
-
Marín presume da Ruta do Monte Penizas, novo entre os sendeiros azuis de Galicia
Por Redacción |
-
Poio presenta para 2024 un orzamento "de transición" co que "sanear as contas sen renunciar á calidade dos servizos"
Por Oskar Viéitez |