Percorrendo 'a cegas' as rúas de Pontevedra
Por Redacción & Cristina Saiz
Representantes do Partido Popular de Pontevedra protagonizaron este domingo 3 de decembro, Día Internacional das Persoas con Discapacidade, un curioso paseo polas rúas de Pontevedra para visibilizar os obstáculos que atopan a diario as persoas con cegueira ou discapacidade visual.
Acompañados de persoal do Centro de Recursos Educativos da ONCE, realizaron un percorrido a cegas, cos ollos tapados con antefaces e usando bastóns cedidos polo propia ONCE.
Silvia Junco, responsable da área de Servizos Sociais no PP de Pontevedra, criticou ante este acto reivindicativo que "o BNG e o PSOE apoiaron a nosa moción pero ignoraron a proposta para que, este domingo, aproveitando o Día das Persoas con Discapacidade, concelleiros de distintas cores políticas lanzásemos unha mensaxe de unidade e inclusión cara ás persoas cegas e con discapacidade".
O roteiro a cegas iniciouse no cruzamento de Eduardo Pondal con Uxío Nononeyra enfrontándose "a varios retos, en forma de obstáculos, que serían de menor impacto na vida das persoas con discapacidade se o goberno local tivese escoitado e atendido as reivindicacións dos colectivos afectados, antes de realizar obras que dificultan os seus desprazamentos", defendeu Junco.
Relacionadas:
-
Máis de 400 escolares coñecerán como é a educación dos seus compañeiros cegos
Por Redacción |
-
'Baixo o mesmo paraugas' no Día Internacional das Persoas con Discapacidade
Por Redacción & Cristina Saiz |
-
Traballo de "sensibilización" no colexio de Ponte Sampaio para ser "máis empáticos" coas persoas con discapacidade
Por Oskar Viéitez |
-
As persoas cegas poderán gozar do partido de España en Pontevedra
Por Oskar Viéitez |