Pontevedra repetirá en 2025 como sede do Mundial Multideporte de tríatlon
Por Diego Espiño
A cidade de Pontevedra non dá por terminado o seu vínculo especial co deporte do tríatlon. Á Gran Final das Series Mundiais que terán lugar este ano 2023 sumouse agora outro gran evento deportivo, os Campionatos do Mundo Multideporte.
A Boa Vila foi elixida como sede destes mundiais para o ano 2025. Será a segunda vez na historia que os acolla, tras aquela exitosa edición de 2019 gravada no imaxinario colectivo coa fotografía de Javier Gómez Noya e Pablo Dapena conseguindo un histórico dobletede ouro e prata na carreira de tríatlon de longa distancia.
"Toda a cidade ten presente o que foi no 19. Pois é o mesmo pero cun mundial máis", explicou este xoves en rolda de prensa o presidente da Federación Española de Tríatlon, José Hidalgo, confirmando a designación, e é que aos campionatos do mundo de dúatlon, acuatlón, aquabike, tríatlon de longa distancia e tríatlon cros sumarase agora o de dúatlon cros.
En total espéranse máis de 4.000 deportistas para un evento que "non se sabe a data pero será a finais de primavera ou principios do verán", afirmou o alcalde de Pontevedra, Miguel Anxo Fernández Lores, acompañado do concelleiro de Deportes, Tino Fernández.
"Estou emocionado e orgulloso de que este campionato fose concedido por unanimidade", sinalou o rexedor defendendo que "non hai dúbida que Pontevedra é refencia mundial non tríatlon".
A candidatura pontevedresa xerou un importante consenso entre todas as delegacións federativas polo recordo do sucedido hai uns anos, e é que "Pontevedra 2025 é posible grazas a Pontevedra 2019, porque os nosos maiores embaixadores foron os deportistas que competiron aquí", explicou o presidente federativo.
Queda aínda moito para a cita, pero os responsables da organización aproveitaron a súa comparecencia para acordarse dos grandes referentes do tríatlon local, porque "non estaría mal que Javi (Gómez Noya), Pablo (Dapena), Saleta (Castro) ou Susana (Rodríguez Gacio) se marquen o reto de volver participar", lanzou a modo de dardo José Hidalgo lembrando á súa vez que "non hai ningunha cidade do mundo que teña organizado o que Pontevedra no tríatlon".
Relacionadas:
-
Confirmadas as datas e primeiros detalles do Mundial Multideporte de tríatlon 2025
Por Diego Espiño |
-
A Gran Final das Series Mundiais de Tríatlon custará 2,8 millóns de euros
Por Diego Espiño |
-
Asinado o convenio de colaboración entre Concello e Deputación para a Gran Final das Series Mundiais
Por Redacción |
-
Pontevedra abre camiño a Málaga, designada como sede da Gran Final das Series Mundiais de Tríatlon en 2024
Por Diego Espiño |
-
Reunión entre o Concello e hostaleiros para perfilar a Gran Final das Series Mundiais de Tríatlon
Por Redacción |
-
Desvelados os circuítos definitivos e horarios para a Gran Final das Series Mundiais de Tríatlon
Por Diego Espiño |
-
A gran final das Series Mundiais de tríatlon achégase a Pontevedra e necesita voluntariado
-
Gómez Noya, visita de luxo no CEIP A Laxe
Por Redacción |
-
Pontevedra comparte o vídeo que conquistou á ITU para concederlle a final das series mundiais do 2023
Por Redacción |
-
A Gran Final das Series Mundiais, un evento "descomunal" cun retorno "igual de 5 ou 6 millóns de euros"
Por Diego Espiño & Mónica Patxot |
-
Un ano despois de ser o centro de atención do tríatlon mundial
Por Diego Espiño |
-
O ITU Multisport de tríatlon, unha experiencia irrepetible para Pontevedra cun final de conto
Por Diego Espiño |
-
A ITU dálle "matrícula de honor" á organización dos Mundiais Multideporte de Pontevedra
Por Diego Espiño |
-
VÍDEO.- Pontevedra explota de xúbilo co ouro mundial de Gómez Noya e a prata de Pablo Dapena
Por Diego Espiño & Xan Xiadas |