Lupe Murillo entra no Consello de Administración do Obradoiro
Por Diego Espiño
Ademais do fútbol, Lupe Murillo deberá centrar os seus esforzos a partir de agora no baloncesto, tras ser nomeada conselleira do Obradoiro CAB santiagués, cuxo equipo milita na Liga ACB.
A tamén conselleira do Pontevedra Club de Fútbol foi ratificada como integrante do Consello de Administración que preside o empresario Raúl López na Xunta Xeral de Accionistas celebrada o pasado venres no Multiusos Fontes do Sar de Santiago de Compostela.
Murillo, como directora xeral de Pescamar, accede ao cargo xunto a Argimiro Fernández, propietario da empresa lalinense Gallega de Suministros Industriales, e Javier González, gerente do Grupo Cenor.
O Río Natura Monbús Obradoiro aprobou nesa xunta un orzamento de 2.158.000 euros.