Catro cisneístas, medalla de bronce no Europeo Xuvenil de Balonmán
Por Almu Dapena
O Club Cisne Balonmán segue sumando alegrías cos seus xuvenís. Fixeron historia ao coroarse como campións de España derrotando ao "todopoderoso" FC Barcelona, e agora, as novas promesas Carlos Álvarez, Daniel Virulegio e Pablo González, citados polo seu adestrador no club branco e tamén seleccionador nacional, Javier Fernández (Jabato), colgáronse a medalla de bronce ao superar a Eslovenia no Campionato de Europa para menores de 19 anos que se celebrou en Croacia desde o 12 de agosto.
O papel do combinado español na competición foi máis que sobresaliente. Gañaron todos os partidos salvo o de semifinais, no que Alemaña, que acabara en primeira posición do outro grupo, superounos pola mínima (31-30).
Pero antes diso non perderan ningún partido. Chegaban invictos a semifinais despois de superar con claridade a Islandia (32-25), empataron contra Suecia (23-23) na rolda preliminar e gañaron a Hungría (27-29) e a Israel (34-23). Ademais, na primeira xornada da fase de grupos empataron con Eslovenia (37-37), rival dos Hispanos xuvenís este domingo, ao que venceron por 28-37 para converterse na terceira mellor selección de Europa de balonmán.
Os primeiros minutos foron dun intercambio continuo de golpes no que a precipitación nos lanzamentos e as aparicións dos gardametas foron, sen dúbida, protagonistas.
España foi en todo momento por diante no marcador pero sen lograr escaparse con claridade. Polo menos así foi ata o minuto 20, cando chegaron os mellores minutos dos pupilos de Jabato, que meteron unha marcha máis para irse con catro goles de diferenza ao descanso (13:17).
A segunda metade foi un claro reflexo do que foi o final do primeiro acto. Os españois gustábanse e gozaban do seu xogo, aproveitando os erros dunha Eslovenia que foi perdendo forzas co paso dos minutos e deuse por vencida.
Finalmente, os Hispanos juvenís endosaron un contundente 28-37 que lles serviu para levar unha medalla de bronce histórica e máis que merecida.
Los #HispanosJuveniles celebran una medalla de bronce por la que han luchado muy duro en Croacia
— RFEBalonmano (@RFEBalonmano) August 22, 2021
Alemania, verdugo de los españoles por la mínima en semifinales, ha sido el único equipo capaz de doblegar a los pupilos de @Jabato17
#FollowTheFuture pic.twitter.com/4PdluF7iK4
Relacionadas:
-
O pivote do Cisne Dani Virulegio xogará no Valladolid a próxima tempada
Por Redacción |
-
O Torneo 4 Nacións, un reto de inicio de ano para os cisneístas Carlos Álvarez e Pablo González
Por Redacción |
-
Carlos Álvarez e Daniel Virulegio 'soben' á Selección Española Júnior e Marko Ojeda estréase coa Xuvenil
Por Redacción |
-
O Cisne regresa pola porta grande superando a un débil Atlético Novás (29-21)
Por Almu Dapena & Cristina Saiz |
-
O Cisne supera con claridade ao AD Sanjoanense portugués no seu terceiro duelo de pretempada (37-30)
Por Redacción |
-
Catro cisneístas plántanse coa Selección Española xuvenil en semifinais do Europeo
Por Manu Otero |
-
O Cisne renova á súa nova promesa, Daniel Virulegio
Por Redacción |
-
O Cisne ata a unha das perlas da súa canteira: Carlos Álvarez, renovado
Por Redacción |
-
Tres cisneístas, ao Campionato de Europa Xuvenil de balonmán
Por Redacción |
-
Pablo González celebra a súa convocatoria coa Selección Española Xuvenil renovando co Cisne
Por Redacción |
-
O Cisne vence o Barça e proclámase campión de España xuvenil (32-34)
Por Almu Dapena |