Oportunidade perdida do Peixe Galego para engancharse á loita pola permanencia e meter nela ao Huesca (59-64)
Por Manu Otero
Era unha partido clave para manter viva a chama da permanencia na Raña, pero o Peixe Galego, que levaba varias semanas ofrecendo unha boa imaxe, non tivo o seu mellor día nun enfrontamento contra un equipo que chegaba a Marín sumido nun larguísimo refacho de derrotas e que necesitaba gañar para escapar da zona perigosa da táboa. O Huesca, consciente da súa necesidade, expuxo un partido moi serio en defensa que foi suficiente para regresar a Aragón co triunfo na maleta.
Os de Javi Llorente entraron mal no partido e os visitantes fixéronse cunha zumarenta renda ao final do primeiro cuarto que souberon administrar nos seguintes. Especialemente malo foi o segundo acto para os intereses do Peixe Galego, cuxos mellores xogadores non estiveron acertados de fronte ao aro e fóronse ao descanso co partido practicamente perdido (15-26).
O xogo do conxunto local mellorou lixeiramente tras o paso por vestiarios, pero desafortunados no rebote e sen acerto nos tiros de campo, obrar a remontada era pouco menos que un milagre.
Pero se de algo saben no feudo marinense é de facer posible o imposible e no cuarto definitivo, o Peixe volveu ofrecer o seu mellor cara. A empresa era complicada, pero o xogo coral dos de Llorente que tanto se estrañou nos minutos anteriores por fin apareceu. Recortou distancias o Peixe e mesmo desperdiciou algunha oportunidade para meter o medo no corpo ao rival que finalmente, non sen sufrimento, fíxose coa vitoria.
Consulta nesta ligazón todas as estatísticas do encontro
Relacionadas:
-
Un mal segundo cuarto deixa o Peixe Galego sen opcións fronte o Leyma Coruña (68-60)
Por Almu Dapena |
-
Mateo Sánchez, segunda cesión en dous días para o Peixe Galego
Por Redacción |
-
Njegos Sikiras, ala-pívot do Fuenlabrada, chega como cedido ao Peixe Galego
Por Redacción |
-
Javi Llorente valora a súa dimisión: "Es una decisión muy difícil porque es el club que siento y que quiero"
Por Diego Espiño |
-
Javi Llorente faise a un lado e abandona o banco do Peixe Galego
Por Diego Espiño |
-
Joel Hernández desvincúlase do Peixe Galego
Por Redacción |
-
O Peixe Galego tira ao lixo o último cuarto e cae ante o Guipúscoa (94-66)
Por Almu Dapena |
-
O Peixe Galego vence o Granada e pon fin á súa mala serie (80-72)
Por Almu Dapena & Diego Torrado |