Estrea de Cuntis como sede do circuíto galego de bádminton
Por Redacción
O pavillón municipal de Cuntis foi escenario a fin de semana dunha proba do Circuíto Gallego Sub-11 e Absoluto de Bádminton.
A cita, primeira que se organiza en Cuntis, congregou a preto de 70 deportistas de distintos clubs da comunidade, xogándose un total de 110 partidos durante toda a xornada.
Os deportistas do Club Bádminton Ravcahol Pontevedra fixéronse co protagonismo da xornada cun botín de sete medallas.
En dobres mixto absoluto, Álex Nogueira e a estradense Ana Carbón levaron o ouro ao vencer na final a Miguel Serrano e Noelia Gestoso. Nogueira completou a súa participación cunha prata en individual. Pola súa banda Raquel Miguens levou dúas medallas de prata, en individual e en dobres xunto a Gestoso.
O dobres masculino tamén tivo cor pontevedresa coa vitoria de Pablo Sanmartín xunto ao estradense Manuel Brea, e en Sub-11 Pablo Albores fíxose cun bronce en dobres xunto ao estradense David Domínguez. Elba Xesteira completou a participación do club no evento.
Relacionadas:
-
Ponteareas, parada para o Ravachol Pontevedra nunha importante xornada de liga
Por Redacción |
-
O Bádminton Ravachol pecha o ano terceiro tras unha fin de semana sen erro en Navarra
Por Redacción |
-
Granollers e Xixón, testemuñas de dúas boas actuacións do Bádminton Ravachol
Por Redacción |
-
Pleno do Bádminton Ravachol na segunda xornada de Primeira Nacional
Por Redacción |
-
Triunfo por partida dobre de Natalia Murio no Máster de Sevilla de bádminton
Por Redacción |