O Froiz, satisfeito do seu papel ante profesionais en Portugal
Por Redacción
O Grupo Deportivo Supermercados Froiz demostrou o seu bo nivel en Portugal durante o 39º Gran Premio Abimota, no que compartiu pelotón con equipos profesionais.
O conxunto alimenticio está satisfeito co nivel mostrado tras as cinco xornadas de competición, que se iniciaron cunha contrarreloxo por equipos e que seguiron con outras catro etapas de perfil rompepiernas.
Un sexto posto na clasificación xeral por equipos dá boa proba da boa imaxe dos de Evaristo Portela, con Martín Lestido como vencedor da clasificación elite seguido dos seus compañeiros Miguel Gómez e Iván Martínez.
Na última xornada por exemplo Sergio Vega foi un dos 15 ciclistas que se xogou o triunfo de etapa nun reducido sprint, pero só puido ser undécimo na liña de meta.
Martín Lestido, Joan Ruiz, Sergio Vega, Iván Martínez, Miguel Gómez, Óscar Brea e Aaron Mariño defenderon as cores do Froiz na rolda portuguesa.
Relacionadas:
-
Sergio Vega proclámase en Castellón campión de España Elite de ciclismo
Por Ramiro Espiño |
-
Guillermo García queda a 11 segundos do podio no Campionato de España Contrarreloxo
Por Redacción |
-
Sergio Vega dálle ao Froiz a súa undécima Volta á Coruña
Por Redacción |
-
Quenda para os grandes obxectivos do ano no Froiz
Por Redacción |