Pontevedra Viva premiada polos árbitros galegos
Por Diego Torrado
Este sábado día 1 de xullo celebrouse na adega Condes de Albarei, na parroquia cambadesa de Castrelo, a gala do Comité Galego de Árbitros, a cal ten lugar cada dous anos.
Na mesma entregáronse os premios aos mellores árbitros das dúas últimas tempadas, así como as insignias de ouro e prata do Comité.
No transcurso da gala a redacción de deportes de Pontevedra Viva foi recoñecida cun premio "polo seu labor de difusión e seguimento dos árbitros galegos, pola difusión das diferentes iniciativas de promoción da arbitraxe e polo seu compromiso con todo o colectivo arbitral galego loitando contra a violencia de todo tipo nos partidos de fútbol".
Foron máis de 500 árbitros os que se deron cita neste evento conducido polo xornalista da Radio Galega, Andrés Viéitez, e presidido polo presidente da Federación Galega de Fútbol (FGF), Rafael Louzán, xunto co presidente do Comité Técnico Galego de árbitros, Bernardino González, ademais doutros directivos da FGF e todos os responsables do Comité Galego de Árbitros.
Hai dous anos esta gala celebrouse en Ferrol e nesta ocasión foi a Delegación de Pontevedra a que asumiu a organización.
Consulta aquí a lista completa dos galardoados.