O 113 Swim Ride Run de Sanxenxo amplía a súa oferta cun tríatlon de distancia olímpica
Por Redacción
Do mesmo xeito que hai uns anos, cando se disputou na localidade o Tríatlon Rías Baixas, Sanxenxo volverá contar cun tríatlon en distancia olímpica.
Será dentro do 113 Swim Ride Run, que na súa segunda edición decidiu ampliar a súa oferta inicial, que era só de media distancia.
Desta forma na mesma data, o domingo 21 de maio, disputarase unha carreira paralela de 1.500 metros de natación, 40 quilómetros de ciclismo e 10 quilómetros de carreira a pé que terá tamén como centro de operacións a praia de Silgar e contará coa particularidade de non permitir o 'drafting' (ir a roda no sector ciclista).
As inscricións nas dúas modalidades da 113 Swim Ride Run poderanse formalizar ata o día 16 de maio na web www.championchipnorte.com.
Para a proba de media distancia (1.900 metros de natación, 90 quilómetros de ciclismo e 21 quilómetros de carreira a pé), que terá catalogación de Campionato Galego da especialidade, anotáronse xa preto dun cento de atletas.
A que non se celebrará, a pesar de estar prevista inicialmente, é a carreira popular de 5 quilómetros con saída e chegada na Praza do Mar que foi aprazada pola organización.
Relacionadas:
-
Cristóbal Dios e Sonia Pariente, vencedores do segundo 113 Swim Ride Run de Sanxenxo
Por Redacción & Diego Torrado |
-
Sanxenxo prepárase para unha fin de semana de tríatlon
Por Redacción |
-
O tríatlon de media distancia de Sanxenxo fixa a data para a súa segunda edición
Por Diego Espiño |
-
Pablo Dapena e Sonia Pariente triunfan no primeiro 113 Swim Ride Run
Por Diego Torrado |