Cristóbal Dios e Sonia Pariente, vencedores do segundo 113 Swim Ride Run de Sanxenxo
Por Redacción & Diego Torrado
Desde primeira hora da mañá deste domingo 21 de maio Sanxenxo contaxiouse co espírito do tríatlon de competición coa celebración da segunda edición do 113 Swim Ride Run.
A cita repetía como Campionato Galego de Tríatlon de Media Distancia, e nela dous nomes sobresaíron sobre o resto, os de Cristóbal Dios e Sonia Pareinte.
En categoría feminina a triatleta pontevedresa revalidou o seu título tras investir 5 horas e 33 segundos en completar os 1.900 metros de natación, 90 quilómetros de ciclismo e 21 quilómetros de carreira a pé que compoñían en percorrido. Segunda foi María Jesús Coya a máis de 20 minutos e terceira Mónica Alarcón.
Pola súa banda na competición masculina impúxose Cristóbal Dios (4:16:21) cunha cómoda marxe sobre Luís Alberto Paredes (4:28:06) e Ismael López (4:33:17).
Paralelamente celebrouse tamén un tríatlon en distancia olímpica, no que venceron Miguel Ángel Acosta e Iria Campos.
Consulta aquí as clasificacións completas do 113 Swim Ride Run de Sanxenxo.
Relacionadas:
-
Problemas de financiamento obrigan a suspender o tríatlon 113 Swim Ride Run de Sanxenxo
Por Diego Espiño |
-
Sanxenxo prepárase para unha fin de semana de tríatlon
Por Redacción |
-
O 113 Swim Ride Run de Sanxenxo amplía a súa oferta cun tríatlon de distancia olímpica
Por Redacción |
-
O tríatlon de media distancia de Sanxenxo fixa a data para a súa segunda edición
Por Diego Espiño |