Alexis Viéitez, vencedor da I Subida a Ponte Caldelas
Por Redacción
A I Subida a Ponte Caldelas completou este domingo a súa primeira edición, con éxito de público e con Alexis Viéitez como dominador.
O piloto da escuadra organizadora, Buxa Motor Poio, cumpriu os prognósticos e dominou a carreira desde a primeira manga, conservando durante a segunda xornada a vantaxe adquirida o primeiro día.
Completadas as seis pasadas ao circuíto de 3,7 quilómetros habilitado na estrada de Laxoso, Viéitez avantaxou en 11.557 segundos a Jesús Pombo (Congostra Team Sanenxo) e en 12.708 segundos a Jacobo Sobral (Intengral Motor Sport), que lle acompañaron no podio absoluto.
Na proba, puntuable para o Campionato Galego de Montaña, participaron un total de 38 vehículos, dos que concluíron a carreira unha trintena. Consulta aquí a clasificación final.
SATISFACCIÓN POLA AFLUENCIA DE PÚBLICO
O Concello de Ponte Caldelas trasladou á escuadra organizadora a súa satisfacción pola estrea da proba e polas cifras de asistencia, xa que calculan achegáronse ata Laxoso "unhas 7.000 persoas".
A maior parte de afeccionados congregouse en Ponte Caldelas durante a xornada de sábado, na que se calcula acudiron a gozar da subida preto de 5.000 persoas.
Coa experincia positiva da estrea da carreira e os datos de ocupación e asistencia na man, o goberno local confirma xa que "a deste ano vai ser a primeira de moitas edicións da Subida a Ponte Caldelas".
Relacionadas:
-
Alexis Viéitez, Nonito Gómez e Manuel Senra, principais atractivos da Subida a Ponte Caldelas
Por Redacción |
-
A Subida a Ponte Caldelas terá segunda edición en agosto
Por Redacción |
-
O cambio de data non desanima á organización da XVII Subida á Escusa
Por Diego Espiño |
-
Ponte Caldelas estrea subida automobilística
Por Diego Torrado |
-
A I Subida a Ponte Caldelas, a punto
Por Diego Espiño |