Lourido goza co mellor volei praia galego
Por Diego Torrado
O mellor volei praia autonómico invadiu durante toda a fin de semana a praia de Lourido, en Poio.
Ata 120 parellas chegadas desde diversos puntos de Galicia déronse cita nunha competición dividida entre participantes federados e amateurs.
O sábado celebrouse o Trofeo Concello de Poio para a categoría senior, mentres o domingo estaba reservado para unha proba do Campionato Galego Sub-15 e Sub-17.
Aínda por riba, o volei praia non se despide ata este luns de Lourido, xa que desde as 17:00 horas organizaranse actividades para nenos.
Raxó tomará a testemuña das actividades deportivas estivais no municipio o próximo fin de semana co Trofeo Concello de Poio de tenis praia.