"Ganar en casa tiene que ser la leche", asegura Lucía Vázquez ante o Nacional de BTT
Por Redacción
A localidade ourensá de Maceda acolle esta fin de semana, de venres a domingo, o Campionato de España de BTT, no que Lucía Vázquez parte como unha das favoritas na proba de cross country feminina.
"Ganar en casa tiene que ser la leche, increíble", defende a ciclista de Vilaboa, que formará parte tamén do cuarteto da Selección de Galicia na proba de remudas por comunidades autónomas, o Team Relay.
Á corredora tráelle bos recordos o circuíto de Maceda, xa que hai un ano proclamouse alí campioa autonómica: "Se va a hacer duro. Está muy seco y las bajadas cada vez más sueltas y peligrosas. Se necesita tener mucha destreza y técnica para rodar cómoda. Me gusta y se adapta a mis características", sinalou a pontevedresa.
Rocío Martín, Sandra Santanyes, Claudia Galicia e Anna Villar serán as súas principais rivais na loita polo primeiro posto, que sería o primeiro campionato de España absoluto do seu palmarés, despois do bronce logrado hai un ano en Valladolid.
Na localidade ourensá, representando ao equipo galego, tamén estarán Lara Lois (C.C. O Grove) e Martín Tomé (Club Ciclista Marín).