Davor Cutura, fiel á súa cita co balonmán base pontevedrés
Por Redacción
Por sexto ano consecutivo o internacional serbio Davor Cutura, ex-xogador do Teucro, elixiu Pontevedra para celebrar o seu campus de balonmán.
Un cento de nenos e nenas chegados de diferentes puntos do territorio nacional puideron gozar xogando ao balonmán e mellorando as súas habilidades, ademais de participar en diversas actividades de lecer.
Ademais do propio Davor Cutura e de Nano Martínez, os xóvenes deportistas puideron empaparse da experiencia de adestradores como Sergio Carballeira (Rasoeiro), Rubén Carrasco (Handvall), Anxo Otero (Teucro), María Longueira (Teucro), Roi Sánchez (segundo adestrador do TSV Hannover-Buegdorf), Leo Álvarez (Zamora) e Álvaro Senovilla, (adestrador do BM Nava a pasada tempada).
Completaron a nómina de monitores expecialistas na portería como Jorge García Lloria, gardameta do Teucro, e Edu Salazar, adestrador do Cangas.
O campus conto ademais con invitados de luxo como os internacionais Pedro Rodríguez, Juan Andreu e Rodrigo Corrales ou o adestrador do Naturhouse La Rioja, Jota González.
Os adestramentos, con base en Los Sauces, A Xunqueira e o CGTD, comezaron o pasado 2 de xullo e conclúen este domingo día 10.