O Campionato de España Infantil, un premio para o Waterpolo Pontevedra
Por Redacción
Como un premio de final de tempada. Así encarou o equipo infantil do Waterpolo Pontevedra a súa participación no Campionato de España celebrado en Elxe.
Os pontevedreses acudiron á cita como subcampións galegos e dispostos a seguir dando pasos na súa aprendizaxe enfrontándose a equipos de todo o territorio nacional que, na maioría de casos, supéranlle en nivel.
Un total de 24 equipos déronse cita no campionato, finalizando os pontevedreses no posto 16.
Na primeira fase o Waterpolo Pontevedra impúxose a Gymnapolis Soller (Baleares) e perdeu ante o RCN Vigo, pasando aos cruces como segundo de grupo.
Unha vez nas eliminatorias víronse superados por un dos favoritos ao título, o CN Mataró, por 4-17. Tras a derrota, e na loita por quedar na mellor posición posible, xogaron tamén anye CN Caballa, ante o que cederon por un apertado 7-8; Askartza Leioa, contra o que tamén perderon por 1-5; e CN Godella, que lles remontou para gañar sobre a bucina.
Con todo a experiencia resultou dos máis positiva para o grupo de 14 deportistas desprazados a Elxe: Uxía Ferreiro, Irene Esteban, Víctor Vidal, Alejandro Andión, José Antonio Aguado, Lucas Puy, Luis Millán, Diego Touriño, Hugo Arceo, Xandre Aboal, Raúl Martínez, Alejandro Millán, Jonás Abad y José Enrique Fernández, acompañados polos seus técnicos Enrique García e Juan Rodríguez.
Relacionadas:
-
Marina Casado volve dar nome ao campus de iniciación do Waterpolo Pontevedra
Por Redacción |
-
Balance positivo para o Waterpolo Pontevedra tras participar no Campionato de España Xuvenil
Por Redacción |
-
O equipo alevín mixto do Club Waterpolo Pontevedra, campión galego de verán
Por Redacción |
-
Waterpolo na Peregrina, proposta do CW Pontevedra para captar socios
Por Redacción & Mónica Patxot |