Oda ao balonmán praia en Bueu
Por Redacción
Bo ambiente, colorido, un marco incoparable e sobre todo, deporte. O primeiro torneo Arena 1.000 de balonmán praia da tempada, incluído no circuíto Arena Handball Tour que promove a Real Federación Española de Balonmán, é o protagonista da fin de semana en Bueu.
A praia de Banda do Río acolle desde este venres a competición, con máis de 600 xogadores e 70 equipos inscritos de diferentes partes do territorio nacional.
Na primeira xornada a quenda foi para as categorías de base, e desde primeira hora do sábado tomaron a testemuña os deportistas senior e xuvenil.
A espectacularidade desta modalidade deportiva, chea de piruetas e emoción, fai as delicias do público presente.
O Arena 1.000 de Bueu pecharase este domingo coas finais masculina (12:30 horas) e feminina (13:15 horas), ambas as retransmitidas en directo a través de Teledeporte.