Merecido descanso para a Sociedad Deportiva Teucro
Por Diego Espiño
Coa primeira volta xa finalizada e mes e medio por diante antes de que volva a competición á Liga Asobal, a Sociedad Deportiva Teucro fai balance do que foi a primeira metade da competición.
A pesar de que a sensación é que se podían sumar un par de puntos máis "la valoración es positiva", explica o técnico azul, Quique Domínguez.
Quique Domínguez: "Estoy muy contento, el equipo ha competido bien"
O equipo pontevedrés mantén dous puntos de vantaxe sobre os postos de descenso, o que fai a Domínguez recoñecer que "estoy muy contento. El equipo ha competido bien, tenemos tres equipos por debajo y el juego es bueno, aunque es verdad que nos ha faltado ganar fuera".
O adestrador pontevedrés é consciente de que aínda queda moito que suar para conseguir o obxectivo da permanencia, e xa pensa no segundo tramo de liga, que se iniciará o 6 de febreiro en Guadalaxara.
Con tanto tempo por diante e as forzas xustas polo esforzo realizado ata agora, o primeiro plantel do Teucro seguirá adestrando durante esta semana, ata o venres 18 de decembro, antes de marcharse de vacacións aproveitando o parón polo Europeo de seleccións.
Quique Domínguez non citará aos seus xogadores ata o 7 de xaneiro, momento no que comezará "una nueva pretemporada" dun mes para chegar en perfectas condicións ao comezo da segunda volta.
Relacionadas:
-
Dous amigables contra o Cangas medirán o nivel do Teucro durante o mes de parón
Por Diego Espiño |
-
Teucro e Cisne, presentes na convocatoria da Selección Galega Absoluta
Por Redacción |
-
Remontada incompleta ante o Huesca dun Teucro que segue sen gañar fóra (33-31)
Por Redacción |
-
Emoción ata o último segundo nun espectacular derbi entre Teucro e Cangas (32-32)
Por Diego Espiño & Diego Torrado |