Descanso para o Teucro cos deberes feitos
Por Redacción
A División de Honra Prata afronta durante Semana Santa un pequeno parón antes de afrontar a recta final da competición, na que se decidirán os postos de ascenso e descenso.
Aproveitando esta circunstancia Quique Domínguez decidiu dar catro merecidos días de descanso no Teucro.
Os azuis afrontaron luns e martes dobre sesión de adestramento e despedíronse da semana de traballo realizando unha ruta de sendeirismo durante a mañá do mércores, desprazándose a Ribadumia para completar a Ruta da Auga.
Tras a xornada de convivencia os adestramentos non volverán ata o luns 6 de abril, momento no que comezará a preparación para un dos partidos máis duros do que resta de campionato, na cancha do segundo clasificado, o Go Fit Sinfín.
De saír vitorioso dese encontro o Teucro, que conta actualmente con sete puntos de vantaxe a falta de seis xornadas, afrontaría a súa primeira opción de asegurar o ascenso na casa ante o Bordils (sábado 18 de abril).
Os azuis chegan á última fase de competición en plena forma e sen ter que pensar na enfermaría, xa que só César Armán continúa de baixa.
Relacionadas:
-
Go Fit imponse ao Teucro (25-22) aprazando o alirón azul
Por Redacción |
-
O Teucro habilita un autobús para que os seus afeccionados apoien o equipo en Santander
Por Redacción |
-
Memorable segunda metade do Teucro que deixa o ascenso moi preto ao gañar (26-23) ao Atlético Valladolid
Por Ramiro Espiño & Diego Torrado |