A hora da verdade para Bea Gómez
Por Diego Espiño
Rematou a preparación. Bea Gómez Cortés afronta esta fin de semana en Málaga unha das citas claves da tempada, o Campionato de España Open de Primavera (de sábado 28 a martes 31 de marzo).
Trátase da competición na que a pontevedresa deberá lograr as marcas mínimas esixidas para participar no Campionato do Mundo de Kazan (Rusia), principal obxectivo da tempada.
Xa non hai marxe de erro e a nadadora do Galaico, que se achegou aos seus mellores rexistros nas súas últimas competicións, buscará o pasaporte mundialista cun calendario de competición que considera cinco probas.
Bea nadará na xornada inaugural de sábado os 800 libre, distancia na que é unha das favoritas ao podio, ao igual que nos 400 estilos que afrontará o domingo.
Na mesma xornada dominical a pontevedresa está inscrita nos 200 libre, completando o seu programa o luns cos 200 estilos e o martes cos 400 libre.
CATRO DEPORTISTAS MÁIS DO GALAICO NO OPEN
O Club Natación Galaico contará con máis representación no Open de Primavera, ao que acode con outros catro deportistas.
O programa máis completo afrontarao Paula Goyanes, que nadará os 200, 800 e 1.500 libre, 200 e 400 estilos e os 200 bolboreta. Pola súa banda Daniel Sánchez participará nos 800 e 1.500 libre, os 50 e 100 costas e os 400 estilos.
Completan o equipo Alicia Conde nos 400 libre e Cristian Fernández nos 800 libre.
Relacionadas:
-
Discreto peche de campionato para Bea Gómez no Nacional Open
Por Diego Espiño |
-
Terceira medalla no Nacional para Bea Gómez, que queda sen mínima nos 200 estilos
Por Diego Espiño |
-
Segunda prata e mínima mundialista para Bea Gómez nos 400 estilos do Nacional Open
Por Diego Espiño |
-
Medalla de prata e primeira mínima mundialista para Bea Gómez no Nacional Open
Por Diego Espiño |
-
Unha prata e un bronce, balance de Bea Gómez no Meeting de Marsella
Por Diego Espiño |
-
Dobre medalla de bronce para Bea Gómez no Meeting de Luxemburgo
Por Diego Espiño |