O Arxil imponse no derbi (52-44) e deixa fóra ao Celta da loita polo play-off
Por Redacción
Importante triunfo para o Club Baloncesto Arxil na súa pelexa por entrar na fase de ascenso á Liga Feminina.
O conxunto verde impúxose no Centro Galego de Tecnificación Deportiva de Pontevedra ao Celta Selmark nun derbi provincial que se caracterizou pola gran defensa das xogadoras de Mayte Méndez.
O Celta logrou pechar con acerto o xogo interior do Arxil, deixando a Diarrá e Fallon Lewis en 2 puntos, pero ao contrario que noutras ocasións as pontevedresas lograron sobrepoñerse a iso.
Tirando do xogo colectivo, intensidade en defensa e con María Lago (21 puntos) asumindo galóns en ataque as verdes empezaron mandando timidamente (12-7 no primeiro cuarto) para ir ampliando a súa vantaxe antes do descanso (26-19).
Esa mínima renda de sete puntos resultou sufieciente ante os problemas en ataque das viguesas, que non ameazaron coa remontada ante o control local.
Con este triunfo o Arxil mantense na cuarta praza, que dá dereito ao play-off, e descarta o Celta, ata este partido rival directo.
CB ARXIL (52): Maimouna Diarrá (2), Ana Martín (8), Carla Fernandez (2), María Lago (21), Fallon Lewis (2) -cinco inicial- Ana María Román (13), María González (4), Cristina Díaz-Pache e Sandra Entenza.
RC CELTA SELMARK (44): María Canella (8), Laura Alonso (10), María Pérez, Candela Hermida (2), Minata Keita (5) -cinco inicial-, Cristina Loureiro (14), Inés Ribeiro (3), Iria Varela, Ángela Coello (2) e Salomé García.
Árbitros: Álvaro Cubero Rodríguez e Alejandro Pérez Freire. Sinalaron 17 faltas ao Arxil e 15 ao Celta. Sen eliminadas.
Parciais: 12-7, 14-12 (26-19, descanso), 10-10 (36-29) e 16-15 (52-44, final).
Incidencias: Partido disputado no pavillón do Centro Galego de Tecnificación Deportiva (Pontevedra). Uns 350 espectadores.
Relacionadas:
-
O Arxil solicita formalmente organizar a fase de ascenso á Liga Feminina
Por Redacción |
-
Derbi clave para o Arxil ante o Celta para entrar na fase de ascenso
Por Redacción |
-
O Arxil presume de club nun ano especial para a entidade
Por Diego Torrado |
-
O Arxil fai valer a lóxica e imponse con facilidade (58-76) ao Pabellón Ourense
Por Redacción |