Santi Domínguez y Fran Fandiño, descartados para Betanzos
Por Diego Espiño
O Pontevedra non poderá contar co seu máximo goleador, Santi Domínguez, nin co centrocampista Fran Fandiño no transcendental encontro do próximo sábado en Betanzos.
O dianteiro non se recuperou das molestias que sofre dende hai dúas semanas e segue sen poder adestrarse, polo que Milo Abelleria decidiu non forzalo para intentar que estea plenamente recuperado para recibir ao Deportivo B o 6 de xaneiro no primeiro partido do ano.
En situación similar atópase Fran Fandiño, con problemas de pubes desde o inicio da tempada e que non terminan de desaparecer. O futbolista pontevedrés, aínda que quería estar cos seus compañeiros, seguirá un plan de adestramentos que lle permita recuperarse ao máximo durante as vacacións.
O resto de futbolistas, fóra dos lesionados Pacheco e Buba, si estarán a disposición do técnico, incluído Iago Paz, xa recuperado dos seus problemas musculares, "no estoy aún al 100% pero de aquí al sábado espero estarlo". O centrocampista espera un rival difícil no García Hermanos,"el Betanzos va a ser un rival complicado pero tenemos que salir a por los tres puntos. Tenemos que ganar ya un partido fuera para no vernos demasiado lejos de los cuatro primeros".
Confirmación da data do Pontevedra-Villalonga
A Federación Galega de Fútbol aceptou a proposta dos dous equipos e fixou oficialmente o partido entre Pontevedra e Villalonga en Pasarón para o mércores 16 de xaneiro ás 21:00 horas.