Beatriz Gómez, rumbo ao Campionato de Europa de Natación en Piscina Curta
Por Diego Espiño
A semifinalista olímpica Beatriz Gómez, nadadora do Galaico Pontevedra, participará a partir do próximo xoves (do 22 ao 25 de novembro) no Campionato de Europa en piscina de 25 metros que se celebrará na localidade francesa de Chartres.
Gómez disputará as probas de 200 e 400 estilos, 200 braza e 400 libres nun momento de preparación que, como recoñece, non é o idóneo, "no estoy en el mejor estado de forma, hemos tenido varios días de descanso y no lo hemos preparado mucho. De todas maneras intentaré hacerlo lo mejor posible, rebajar mis marcas y sobre todo entrar en alguna final".
Aínda que a disciplina na que destacou en Londres é os 200 metros estilos, a nadadora chega a Francia con mellor ranking en piscina curta nesta especialidade pero nos 400. Bea Gómez recoñece con todo que prefire competir en piscina de 50 metros, "prefiero la larga porque hay menos virajes y ahí no soy muy buena".
Á nadadora pontevedresa, que competirá os catro días do europeo, acompañaraa un técnico do Centro Galego de Tecnificación Deportiva (CGTD), José Rivera, e outra deportista galega, María Vilas, do CN Riveira e bolseira tamén no CGTD.